Banaan bax balaaran oo ay soo qabanqaabiyeen Dowladda iyo culimada
dariiqooyinka oo lagu diidan yahay qodista Qabriyada Culummada ayaa maanta ka
dhacay Degmooyin ka tirsan gobolka Banaadir.
Mudaaharaadayaasha oo
tiradoodu gaaraysay boqolaal qof ayaa waxay isugu jireen caruur, haween iyo dad
waaweyn iyagoo isugu soo baxay barxadda Nasiib-buundo ee degmada Boondheere
halkaasoo ay kula hadleen mas'uuliyiin kala duwan.
Soomow wuxuu sheegay
in ay dagaal lageli doonaan Al Shabaab hadii ay sii wado burburinta ay ku hayso
qabuuraha ay aadka u qadariyaan dariiqooyinka kala gedisan ee culimada
suufida.
Muxudiin Xasan Afrax oo katirsan waxgaradka Beesha Mudulood oo
isna Khudbad ka jeediyay mudaaharaadka ayaa sheegay in ay dagaalka soo geli
doonaan Ururada Bulshada rayidka ah hadii ay shabaabku sii wadaan qarbri qudista
waan ka hortagi doonaa.
waxa kale uu yiri Afrax Arrintan waxaa ka dambeeyaan dad shisheeye
ah, waxaana lana doonayaa in la tirtiro taariikhda fiditaanka diinta Islaamka ee
Soomaaliya .
Si kastaba ha ahaatee Mudaaharaadkii Shabaabka ka dhanka
ahaa ee Muqdisho ka dhacay ayaa muujinayay sida loo diidanyahay Burburinta
qabuuraha .