Xildhibaannada Golaha Baalamaanka Soomaaliya ayaa Gudoomiye ku xigeenka 1-aad ee
Golaha maalinnimadii shalay u doortay Cabdiwali Sheekh Ibraahim Muudey, doorashadaas oo ka dhacday
xarunta Golaha Shacabka ee Magaalada Muqdisho.
Doorashada oo la isla gaaray wareega 3-aad ayaa waxaa iskugu soo haray
Xidhibaan Cabdiwali Sh,.Ibaraahim Muudey iyo xildhibaan Khadiijo Maxamed
Diiriye, iyadoo Xildhibaan Cabdiwali uu wareegaasi ugu danbeeyn helay 192 cod,
halka Xildhibaanad Khadiijo Maxamed Diiriye ay heshay 130 cod, iyadoo ay xumaadeen 3 cod oo codadkii la dhiibtay ka mid ah, sida uu sheegay Guddoomiyaha Golaha Baarlamaanka oo ku dhawaaqay
natiijada codadka.
Xildhibaan Khadiijo Max’ed Diiriye oo intaa ka dib hadal kooban ka jeedisay
halkaas ayaa u mahad celisay gudoonka Barlamaanka, mudanayaasha golaha shacabka,
iyo intii ka qeyb qaadatay qabsoomida doorashadaan, waxeyna sheegtay in ay ku
faraxsan tahay in Xildhibaan Cabdiwali Sheekh Ibraahim Muudey uu noqdo Gudoomiye ku
xigeenka 1-aad ee Baarlamaanka.
Musharaxii Guuleystay ee Cabdiwali oo asagana munaasabaddaasi ka hadlay ayaa u mahad celiyey
dhammaan guddoomiyaha iyo xubnaha baarlamaanka intii u codeysay iyo intii kalaba, asagoona intaa kaddib halkaasi lagu dhaariyey musxafka Qur'aanka Kariimka ah.
Doorashada guddoomiye ku xigeenka 1aad ee golaha Baarlamaanka Soomaaliya,
ayaa dhacday xilli guddoomiye ku xigeenkii 1aad ee hore Prof. Max’ed Cumar
Dhalxa uu ku adkeysanayo in uu wali yahay ninka jagadaasi haya, maxkamadda sare
ee dalkana ay ku taageersan tahay.