Dr, Max'ed Cali Ibraahim oo ah Wasiirrka Daryeellka Naafada iyo Dhaqan Celinta
Xukuumada Soomaaliya ayaa isaga oo jooga dalka Yaman waxaa uu walaac ka muujiyay
sii jiritaanka Dowladda Soomaaliya iyo in Dowladdu hanato Amaanka guud ahaa
dalka Soomaliya gaar ahaan Caasimada Muqdisho.
Wariiska oo la hadllayay Idaacada VOA-da ayaa
sheegay in Madaxda ugu sareysa Dowladda Soomaaliya mas'uul ka yihiin wax qabad
la'aanta Dowladda, waxaana uu intaa ku darray in waqti badan lagu lumayay muran
iyo khilaaf hoosaad u dhaxeeya Madaxda ugu sareysa Dowladda oo xitaa awood
waayay ayuu yiri in Tastuurka ku xalistaan farqiga u dhaxeeya.
Dr, Max'ed Cali Ibraahim waxaa uu yiri '' Hadii
uu Odayga Reerka Durbaan Garaaco Caruurta waa ay Cayaarayaan'' taasoo uu ula
jeeday in Madaxda ugu sareysa Dowladda noqdeen kuwo ku tuntay sharciga
islamarkaana iska Idha tiraya xaalada maanta ka taagan Magalada
Muqdisho.
Waxaa uu is weydiiyay Dr. Max'ed Cali Ibraahim
Wasiirka Daryeelka Naafada iyo Dhaqan Celinta inta ay ka taliso Dowladda
Soomaaliya''' Walaahi Rasaasta ay soo ridaan kooxaha ka soo horjeeda Dowladda
Soomaaliya gudaha Madaxtooyada ayeey dad ku dhaawacday, sidaa daraadeed waxaa
muuqta in Madaxda Dowladdu ku qanacsan yihiin buqcada yar ee hadda gacanta ugu
jirta ayuu yiri Dr. Max'ed Cali Ibraahim oo sidoo kale sheegay in uu ku
jahwareeray sababta marka ay Ciidamada Dowladdu dhul ka qabsadaan kooxaha ka soo
horjeeda haddana dib uga soo laabtaan.
Mar uu ka hadllayay dhinaca Militariga waxaa uu
sheegay in Dowladdu leedahay Ciidamo ku filan oo qaarkood sida uu hadalka u
dhigay meelo kala duwan lagu soo tababaray, laakiin waxaa uu yiri waxaa jirra
qorsho xumo heysata Ciidamada iyo Saraakiisha hogaamisa taasoo ay ka
faa'ideysteen ayuu yiri kooxaha ku kacsan Dowladda oo ah ayuu yiri kuwo aan
tabar badan laheyn.
Sidoo kale waxaa uu sheegay Wasiirrka Dareelka
Naafada iyo Dhaqan Celinta Xuukuumada Soomaaliya iyo kooxaha Al-shabaab iyo
Xisbul Islaam ku guuleysteen in ay ka dhaadhiciyaan wadamada Carabta figrado
dhan ka ah Mas'uuliyiinta Dowladda Soomaaliya taasoo keentay ayuu yiri in xitaa
ay yaraato taageeradii ay u hayeen Dowladda in badan oo ka mid ah wamada
Carbeed.
Waxaa uu shaaca ka qaaday Dr, Max'ed Cali
Ibraahim in Dowladdu hashay sida uu hadalka u dhigay Dhaqaalle ku filan kuwaasoo
ka soo galay ayuu yiri meelo kala duwan, laakiin waxaa uu intaa raaciyay in
dhaqaalahaasi yihiin kuwo ku dhamaada Jeebka shaqsiyaad gaar ah oo siyaabo kale
uga faa'ideysta.
'''Runtii waxaan qabaa in meesha isaga tagaan
Mas'uuliyiinta ugu sareysa Dowladda Soomaaliya mar haddii ay ku fashilmeen in ay
wax ka qabtaan xaaladaha ka jirra gudaha dalka ayuu yiri Dr, Max'ed Cali
Ibraahim oo intaa sii raaciyay in aan Qaran lagu noqon karin Madaxtooyada,
Degada iyo Garoonka Diyaaradaha oo kaliya.
Dr, Max'ed Cali Ibraahim Wasiirrka Daryeellka
Naafada iyo Dhaqan Celinta Dowladda Soomaaliya waxaa uu ka mid ahaa Xubihii ugu
fir fircoonaa Midowggii Maxkamadaha, sidoo kale waxaa uu ka tirsanaa
Isbaheysigii dib u Xoreynta ee Asmara waxaana lagu tiriyaan in uu yahay
shaqsiyaadka sida weyn ugu dhaw Madaxweynaha Dowladda Soomaaliya Shiikh Shariif
Shiikh Axmed oo ay muddo dheer wada shaqeeyeen.
Wasiirku waxaa uu mar sii horeysay ku dhawaaqay
in uu iska casilay xilkii uu ka hayay Dowladda Soomaaliya inkastoo markii danbe
uu arintaa ku laabtay kadib markii Mas'uuliyiinta Dowladdu cadaadis ku saareen
in uu dib uga noqdo go'aankiisa la xiriira iscasilaada.