Xarakada Alshabaab oo iska fogeysay in ay wax lug ah ku lahayd dagaaladii ka dhacay duleedka bari ee magaalada Boosaaso
Afhayeenka xarakada Alshabaab Sheekh Cali Dheere warbaahin uu siiyay warbaahinta waxa uu ku caddeeyay in Xarakada Al shabaab Al Mujaahidiin in ayan wax lug ah ku lahayn dagaaladii ka dhacay dhulka buuraha Galgala iyo Karin, wuxuuna sheegay inay u dhaxeeyeen ciidamada dowlad goboleedka puntland iyo dad shacab ah oo mudo badan dhibaato lagu hayay .
Sheekh Cali dheere ayaa si kulul u beeniyey hadaladii kasoo yeeray maamulka iyo madaxweynaha puntland waxuuna yiri"dadka deegaanka markii ay iska caabiyeen dulmiga ciidamada maamulka Puntland ma aha inay ku been abuurtaan xarakada Al Shabaab Al Mujaahidiin ciidamadeedu in yihiin kuwa la dagaalamaya" .
Sidoo kale hogaamiye diimeedka Max’ed Saciid Atam ee dhawaan dagaalka la galay ciidamada Maamulka
Puntland ayaa iska fogeeyay inuu ka tirsanyahay Xarakada Mujaahidiinta Al Shabaab wuxuuna
arimihaasi si kulul uga hadlay oo beeniyay xili uu la hadlayay Idaacada VOA-da.
Max’ed Saciid Atam waxaa uu sheegay in isaga iyo ciidamadiisu aysan
wax xariir ah la laheyn Xarakada Mujaahidiinta Al Shabaab iyo Ururka Al qaacida,
waxaana uu sheegay in dagaaladii dhawaan ka dhacay Puntland ay sabab u ahayeen
weeraro uu sheegay inay ku soo qaadeen ciidamada PIS-ta Puntland.
Ugu dambeystii waxaa hogaamiye diimeedka Maxamad Siciid Atam uu sheegay in dagaalka uu kula jiro maamulka Puntland uu sii wadi doono ilaa shareecada Islaamka looga xukumayo Shacabka reer Puntland.
Add New Comment
|
|
|