Waxaa goor-dhaw soo gaba-gaboobay dagaal culus saakay ku dhaxmaray Magaalada
Baladweyne ciidamo ka tirsan Ahlu-sunna Waljameeca iyo xoogagga Xarakada
Shabaabul Mujaahiin iyo kuwa Xisbul Islaam oo isku dhinac ah.
Ciidamada Ahlu-sunna
Waljameeca ayaa dib uga gurtay magaalada kaddib markii dhinacyadii dagaalka la
galay ay dul-dhigeen awood ciidan oo aad u ballaaran, waxaana ay ciidamada
Ahlu-sunna dib ugu laabteen fariisinkooda Ceel-gaal.
Ilaa hadda si dhabah looma oga khaasaraha dagaalka saakay dhacay,
laakiin warar aan dhameystirneyn oo na soo gaaraya ayaa tilmaamaya in ay
dhinteen ku dhawaad 10 ruux oo ka kala tirsan dhinacyadii iska hor yimid, iyadoo
tiro intaas ka badanna ay ku dhaawacmeen dagaalka.
Dagaalka saakay dhacay ayaa
mar kale wal-wal iyo cabsi intaba ku beeray dadka rayidka ah oo hadda heer quus
ah ka jooga dagaallada aan dhamaadka laheyn iyo is-ceyrsiga dhinacyada iska soo
horjeeda oo kooxba ay mar la wareegeyso gacan ku heynta magaalada.
Dagaalkan ayaa daba socday
dagaalay shalay gabal-dhicii ka dhacay duleedka waqooyi ee Baladweyne, kaasoo
sababay inay xoogaga Ahlusunna kusoo siqaan Magaalada ilaa iyo ay saaka soo
gaareen xaafado ka tirsan magaalada Beledweyne.