Tarsan oo tababar u furay ciidamo loogu talagalay ilaalada deegaanka iyo qaadista canshuurta


Guddoomiyaha Gobolka Banaadir ahna duqa magaalada Muqdisho mudane Maxamuud Axmed Nuur (Tarsan) ayaa maanta Tababar ufuray qaar ka mid ah Ciidamada ilaalada deegaanka Gobolka Banaadir.

Askartani maanta loo furay tababarka oo gaaray 60 askari oo loo tababari doono ka shqeynta ilaadada deeganka, ururinta canshuuraha suuqyada Muqdisho iyo sidoo kale ilaalinta nadaafadda deegaanka.

Guddoomiyaha gobolka Banaadir oo ka hadlay munaasabadda tababarka loogu furayay askarta ayaa sheegay in ciidanka ilaalada deeganka ay tusaale u yihiin horumarinta nidaamka dowladnimo sida darteedna ay mas’uuliyad iska saaraan sidii ay bulshada ugu horseedi lahaayeen ku hagidda nidaamka Qaranimo.

Tarsan ayaa intaasi ku daray in askarta ilalaada deeganka ay iska ilaaliyan musuqmaasuqa iyo fulinta danaha gaarka ah iyadoo la dayacayo tii Qaranka maadama canshuurtu ay tahay aasaska dhaqaalaha dowladda oo ay ku fulinkarto baalaarinta adeegga bulshada.

Ciidamadan maanta loo furay tababarka ayaa ah kuwo loo tababarayo sidii ay u qaadi lahaayeen canshuurta maadama ay magaalada Muqdisho laga bilaabay qaadista canshuurta si loogu hormariyo adeegga bulshada.


Add New Comment