Askari ka tirsanaa DKMG Soomaaliya oo lagu qasaasay Muqdisho SAWIRRO
Maxkamadda ciidammada qalabka sida ee dowladda KMG ah ee Soomaaliya oo dil ku fulisay askari ka tirsanaa ciidamadeeda laguna magacaabi jiray Nuur Axmed Shire, askariga la qasaasay waxa uu si bareer ah u toogtay askari lagu magacaaabi jiray Shaafici Abshir Cali
Askari wax dilay, iyo midna ay dowladda Soomaaliya qisaastay labaduba waxay ka wada tirsanaayeen ilaalada gaarka ah ee xildhibaan Maxamed Jaamac Furux,Qilaaf soo kala dhexgalay ayaa keentay in uu dilo Askariga isagoo ku sugan guriga xildhibaanka.
Maxkamadu xukunka fulisay waxa ay sheegtay askariga Nuur Axmed Shire inuu yahay gacan ku dhiiglaha dilay Dable Shaafici Abshir Cali iyagoo howl u wada hayay dowladda KMG ah ee Soomaaliya, gacanku dhiigluhu marki maxkamadda la soo taagay waxuu eedeysanahu maxkamadda horteeda ka qirtay dambiga uu galay oo ah in uu dilay Askari lagu magacaabi jiray Dable Shaafici Abshir , sidoo kale waxaa maxkamadda horteeda kaga cadeeyey markhaatiyaal goob joog ka ahaa falkaan oo la hor keenay maxkamada.
Qisaastani ma aha markii ugu horreysay oo askari ka tirsan ciidammada
dowladda Soomaaliya lagu fuliyo dil ay maxkamad ku xukuntay, waxaase
horay dilal noocan oo kale ah lagu fuliyay askar ka tirsanaa dowladihii
kasoo jiray dalka Soomaaliya tannina waxay bilowday iany nidaamka iyo
kala dambaynta ay ku jirto in qofkii qof si xaq darro ku dilaa in
isagana la dilo taasoo Diinta Islaamkana ay waafaqsan tahay arrintaasi.
Add New Comment
|
|
|