ciidanka Al shabaab ayaa xildhibano ka tirsanaa Dowladda ku laayay Hoteelka ku yaal degmada X/weyne
Xildhibaano ka tirsanaa barlamaanka dowladda KMG ah iyo Gannacsato ku noolaa Hotelka MUNA ee degmada X/weyne ayaa waxa rasaas iyo isku qarxinba ku baabi-yey koox Al shabaab oo soo libisatay dharka ciidamada boliiska dowladda KMG ah ee soomaaliya .
kooxda hubaysan ee Al shabaab oo ciidamada Booliiska dowladda KMG sidoodii usoo labisatay ayaa laayay Dadkii deganaa Hotelkaaasi Muna ee degmada X/weyne dadkaasi la dilay waxaa ka mid ahaa Xildhibaano ka tirsanaa baarlamaanka dowladaa KMG ah ee Soomaaliya iyo Ganacsato .
Kooxahii hubaysnaa markii ay gudaha u galeen hoteelka dadkii ku sugnaa ayay rasaas ku fureen taasoo sababatay qasaarooyin isugu jira dhimasho iyo dhaawac, waxaana durbadiiba ay kooxahaasi mid mid u dileen xildhibaanadii iyo dadkii kale ee ku tuhmaayeen Dowladda ee sugnaa gudaha Hoteelkaasi.
Markii shanqarta Rasaasta ay gaartay dhagaha Ilaaladii hoteelka waxay ogaadeen in koox hubaysanne ay gudaha ku jiraan ,ciidamadii ilaalaha waxayna durbadiiba isku gadaameen Hotelka waxayna ay is weydaarsadeen kooxihii hoteelka ku jiray rasaas,dhowr daqiiqo kaddib markii ay u suurtageli waysay koox Al shabaab ee dilka u gaysatay xildhibaanadda inay dib uga soo baxaan hotelka waxay isku dhex qarxiyeen hotelka gudahiisa taasoo qasaaraha dhimasho gaarsiisay ilaa 30 ruux oo lix xildhibaano ah lix xildhibaan kalana waa dhaawac.
Sidoo kale waxaa lasoo sheegay madaafiic inay ku hoobteen Hoteelka Naasahablood ee Magaalada Muqdisho halkaasi oo ay ku sugnaayeen Xildhibaano ka tirsan baarlamaanka dowladda KMG ah ee Soomaaliya welina lama sheegi karo haybtooda xildhibaanada qasaare ka soo gaaray labadaasii dhacdo .
Dhaawacii waxaa lagula carraray Cisbitaalada Magaalada Muqdishu iyadoo maanata ay adagtay socsocodka gaadiidka iyo dadka dagaalo culus oo magaalada ka socdo awgeed.
wixii war soo kordha kala soo xirriira www.silgor.com
Add New Comment
|
|
|