Wiil dhalinyara ah oo ku dhintay xalay miino uu ku aasayay waddo
Guddoomiyaha degmada Xamarjajab C/baasid Maxamed Xasan ayaa saxaafadda usoo bandhigay miino laga soo saaray waddada iyo meydt wiil dhallinyar oo uu sheegay inay dishay miino uu wadadada ku aasayey, waxaa kale uu guddoomiyuhu saaxafadda usoo bandhigay wiil ka tirsanaa kooxaha kasoo horjeeda Dowladda kasoo laguna soo qabtay howlgal ay shalay ciidamada dowladda ka sameeyeen isla degmada Xamarjajab .
Waxaa sidoo kale saxaafadaa la hadlay Afheyeenka Ciidanka Boliiska DKMG ah ee Soomaliyeed Gaashaanle Sare C/llaahi Xasan Bariise wuxuuna sheegay meytka Wiilka dhallinyarada ah inuu ka mid yahay kuwa ay soo qaldeen maleeshiyaadka Kooxda Al Shabab Al Mujaahidiin, falkii uu u maleegayay Bulshada Soomaliyeedna uu isaga ku halaagsamay naftiisiina ku waayay.
Si kasto ay ahaataba qaraxa miinadani ma aha tii ugu horreysay ee disha qofkii dhigaayay ee waxaa jirtay bishii tagatay miino lagu aasayey wadada Afisyooni ee magaalada Muqdishu inay miinadii ku qaraxday qofkii dhigayey meydkiisiina subaxnimadii lagu arkay qoobtaasi, soo noqnoqosha dhacdadani waxay caddeynaysaa in Ragga Miinada dhigaya aanay wax Qibrad ah u laheyn .
Add New Comment
|
|
|