Madaxweyne Sharif Sh. Axmed iyo Madaxweyne Paul Kagame - Sawirka: Xafiiska Madaxweyneha
Xafiiska Madaxweynaha
Sunday, April 10, 2011
Madaxweynaha Jamhuuriyada Soomaalia Mudane Shariif Sheekh Axmed oo
booqashu ku marayay beryahan Bariga iyo bartamaha Afrika ayaa maanta
booqasho ku tagay Magaala madaxda dalka Ruwanda ee Kigali.
Madaxweynaha
ayaa waxaa soo dhaweeyay Wasiiradda Arrimaha Dibadda Marwo Louise
Mushikiwabo, Wasiirka Gaashaandhiga Mudane Gen. James Kabarebe, Wasiirka
Arrimaha Gudaha Mudane Musa Fazil Harerimana ,Abaandulaha Ciidamada
Cesar Kayizari iyo Qonsulka Soomaaliya Sooyaan Cali Cumar.
Madaxweyne Sharif Sh. Axmed iyo Qonsulka Soomaaliya u fadhiya dalka Rwanda Sooyaan Cali Cumar
Safarka Madaxweynaha Jamhuuriyada Soomaaliya ayaa waxaa ku wehliyay
Wasiirka Warfaafinta, Boostada iyo Isgaarsiinta Mudane Cabdikareem
Xassan Jamac iyo wasiirka dhalinyarada, isboortiska,, shaqada iyo
shaqaalaha Mudane Cabdinuur Macalin Maxamed.
Madaxweyne Shariif Sheekh Axmed ayaa waxuu la shiray Madaxweynaha dalka Ruwanda Mudane Paul Kagame.
Madaxweyne Sharif iyo Wasiirka Arrimaha dibadda ee dalka Rwanda Marwo Louise Mushikiwabo
Labada Madaxweyne ayaa waxaa ay ka wada hadleen arimo dhowr ah oo ay
ka mid tahay sidii loo sii xoojin lahaa xiriirka labada dal iyo sidii
dowladda Soomaliya looga taageeri lahaay xagga siyaasadda, dhaqaalaha
iyo xiriirka caalamiga iyo in la kaalmeyo dadka abaaraha ku habsadeen.
Waxaa
kale oo laga wada hadlay habka Soomaaliya looga caawin lahaa in ay
nabad waarto ka dhacdo taas oo aas aas u ah in la helo dowlad
Soomaliyeed oo heshiisiiso ummada Soomaaliyeed ee labaatanka sano ku
jirtay burburka. Tallaabtaas ayaa ah mid ay dowlada Ruwaanda horay ugu
guuleysatay iyo in saxaafadda iyo isgaarsiinta laga caawiyo dowladda
Soomaaliya.
Waxaa kale uu Madaxweynaha maanta booqday xarun
lagu xassusto xasuuqi ka dhacay Dalka Ruwanda sanadkii 1994 oo looga
warbixiyay qaabkii iyo sababihii keenay iyo weliba sidii ay uga soo
kabsadeen reer Ruwanda.
Malik Abdalla
Agaasimaha Warfaafinta
Xafiiska Madaxweynaha
Muqdishu, Somalia
[email protected]