Qarax Qasaare geystay oo ka dhacay Xaafada Ceel-Qalow Degmada Wadajir ee magaalada Muqdishu
Ugu yaraan 3 Askari ayaa ku geeriyootay tiro kalana wey ku dhaawacmeen qarax xoogan oo maanta lala beegsaday Gaari ay wateen Ciidamada DKMG ah , qaraxaas oo ka dhacay magaalada Muqdishu xaafada Ceel-Qalow ee Degmada Wadajir Gaari weyn oo nuuca Waaraadka ah oo ay Askar badani oo DKMG ah ka tirsan ay fuushay ayaa qarax Miinada la hago loo galiyey Waddo ka mid ah wadooyinka dhexmara Xaafadda Ceel-Qalow ee Degmada Wadajir .
Qaraxa kadib ayey dhan walba u fureen Rasaas xoogan Ciidamadii ka badbaaday Qaraxaasi, taaso keentay inay dhaawac u geestaan 2 Caruur ah oo ka mid ahaa dadka deegaanka ku noolaa
Burburka Gaariga,Askartii ku dhaawacantay iyo ugu yaraan 3 Askari oo ku geeriyootay ayey Ciidamo kale oo goobta gurmad kusoo gaaray ay qaateen , kadib markii ay in mudo ah hakad galiyeen isku socodka Dadka iyo Gaadiidka jidka uu qaraxa ka dhacay.
Add New Comment
|
|
|