Dagaalo iyo duqeymo u dhaxeya
ciidamada dowladda iyo xoogaga Mucaaradka ayaa galabta mar kale waxaa ay ka
dhaceen meelihii ugu kululaa ee dagaaladii shalay ay ka dhaceen ee qeybo ka mid
ah xaafadaha Magaalada Muqdisho.
Dagaalada oo intoobadan ka dhacay
wadada wadnaha gaar ahaan agagaarka isgoyska Aadan Cadde iyo meel ku dhow
Agagaarka Isgoyska sanca ayaa waxaa labada dhinac ay isku adeegsadeen rasaasta
cul culus iyo madaafiic dhowr ah kuwaasi oo ku soo dhacayay meelo ka baxasan
goobaha lagu dagaalayo.
Inta la ogyahay Ilaa 3-qofood oo
rayid ah ayaa ku geeriyooday dagaalada maanta ka dhacay Muqdisho iyadoo
13-kalena ay ku dhaawacmeen Sida uu warbaahinta Shabelle u sheegay goob jooge ku
sugan Aaga uu dagaalku ka dhacay.
Sidoo kale duqeymo dagaaladaasi
daba socday ayaa iyana waxaa ay ku dhaceen goobihii shalay lagu dagaalamay gaar
ahaa Suuqa bakaaraha Iyo hareerihiisa,waxaan gudaha Suuqa galabta ku dhacay
dhowr Madfac kuwaasi oo sababay dhaawac iyo dhimasho dad rayid ah,iyado sidoo
kalena ay jiraan madaafiic lagu weeraray xarunta
madaxtooyada.
Gaadiidka Gurmadka deg dega ah ee
ka howlgala Magaalada Muqdisho ayaa waxaa la sheegay in ay qaadeen ilaa 13-ruux
oo ku dhaawacantay rasaasta iyo madaafiicda labada dhinac ay is weydaarsadeen
sida uu Shabelle u sheegay Cali Muuse oo ka mid ah saraakiisha gaadiidka
Gurmadka deg dega ah.
Si kastaba ha ahaatee waxaa caawa
degan goobihii lagu dagaalay galabta iyadoo hadda aysan jirin madaafiic ama
rasaas kale oo aagaasi laga maqlayo.