Shir
jaraa’id oo ay maanta magaalada Muqdisho ku qabteen Ururka
Xisbul Islaam garabka ay hoggaamiyaan Sheekh Maxamed Xasan Cameey iyo
Sheekh Yuusuf Maxamed Siyaad (Indha Cadde) ayaa waxaa ay si buuxda u caddeeyeen inay ku biireen Dowladda Soomaaliya, ayagoo sidoo kalena sheegay inay diyaar u yihiin inay difaacaan dowladda Islaamiga ah ee Soomaaliya.
Sheekh
Yuusuf Indha Cadde ayaa mar uu
ka hadlayey kooxaha ka soo horjeeda dowladda Soomaaliya sheegay inay yihiin kuwo qaswadeyaal ah, asagoona shacabka Soomaaliyeed ugu baaqay inay difaacan Dowladda Islaamiga ah ee Soomaaliya ee uu madaxweynaha ka yahay Sheekh Shariif Sheekh Axmed.
Sheekh Indha Cadde
ayaa sidoo kale sheegay inuu la kulmay Madaxweynaha Dowladda Islaamiga ah ee Soomaaliya Sheekh Shariif, Ra'iisul wasaaraha Cumar Cabdirashiid iyo qaar ka mid ah Golaha Wasiirrada oo ay dhammaantood ka wada hadleen xaaladaha ka jira dalka Soomaaliya.
Sheekh
Yuusuf Maxamed Siyaad ayaa waxaa uu sidoo kale shaaca ka qaaday in gudaha
magaalada Muqdisho uu haatan ku sugan yahay Sheekh Xasan Turki. laakiinse sheegay inuusan asagu waxba ka ogeyn sababaha ka dambeeya imaatinkiisa magaalada Muqdisho.
Shirkan jaraa'id ee ay maanta qabteen labada mas'uul ee garabkan Xilbul Islaam Sheekh Cameey iyo Sheekh Indha Cadde ayaa ku soo beegmay xilli ay xalay saqdii dhexe ciidamo ifara badan iyo hubkooda oo uu garabkoodu lahaa kasoo guureen warshaddii baastada, una soo wareegeen qaybaha ay magaalada Muqdisho ka fadhiyaan ciidamada Dowladda Soomaaliya.