Dagaal sababay dhimasho iyo dhaawac oo ka dhacay Kuliyaddii Jaalle Siyaad ee Magaalada Muqdisho
Dagaalka ayaa saaka waxa uu dhaxmaray ciidamada Burundi iyo xoogagga ka soo horjeeda waxaana dagaalka layusku adeegsaday hubka nuucyadiisa kala duwan.
Iska hor-imaadkaasi waxa uu bilowday kadib markii ay xoogagga hubeysan ee wax iska caabinta weerar kedis ah kusoo qaadeen Ciidamada Amisom ee ku sugan Kuliyaddii Jaalle Siyaad ,waxaana dagaalka uu socday muddo kooban.
Dagaalka culus ee saaka ka dhacay goobtaasi wararka kasoo baxaya waxa ay sheegayaan ugu yaraan seddex ruux inay ku geeriyoodeen in ka badan shan ruuxna ay ku dhaawacmeen kuwaasi oo dhamaantood ahaa dad rayid ah.
Ururka al-shabab iyo Xisbul islmaai ayaa iyagu hore u shaaciyey inay ka go'an tahay dagaal inay la galayaan ciidmada AMISOM inta ay joogaan Soomaaliya.
Ugu dambeyntiina, iska hor-imaadkan saaka ka dhacay Kuliyaddii Jaalle Siyaad Si kastaba ha ahaatee la ma oga qasaaraha soo kala gaarey ciidmada Burundi iyo xoogagii weerarka ku soo qaadey waxayna hakad geliyeen dhaqdhaqaaqii dadka iyo gaadiidkii isticmaalayey waddooyinka deegaanadii uu iska hor imaadku ka socday.
Add New Comment
|
|
|