Dowladda Ruushka ayaa waxaa ay
go’aamisay in maraakiib dagaal oo ka mid noqda dadaalka caalamiga ah ee lagula dagaalamayo burcad-badeedda soomaalida u soo diri doonto gobolka Geeska Afrika, gaar ahaan xeebaha waddanka Soomaaliya ee Badweynta Hindiya iyo Gacanka Cadmeed.
Afhayeen u hadlayey ciidamada Badda ee wadanka Ruushka oo lagu magacaabo Roman Martov ayaa u sheegay
wakaaladda wararka ee wadanka Siiriye ee SANA in kooxdaasi maraakiibta dagaalka ah uu hogaamin doono
ninka lagu magacaabo Admiral Panteleyev ay ka shiraacan doonaan dalka Ruushka
dabayaaqada bishaan aan ku jirno ee Maarso si ay u badalaan koox kale oo ka tirsan maraakiibta
dagaalka ee wadanka ruushka oo dib uga soo laabtay xeebaha dalka
Soomaaliya.
Roman Martov waxaa uu intaasi ku
daray in kooxdaasi maraakiibta ah iyo waliba doomo kale oo kaalmeyn doono
xiligaani loo diyaarin doono qalabka ay u baahanyihiin sida qaboojiyayaasha
maadaama ay u socdaan dhul aad u kulul.