Waxaa maanta gegida diyaaradaha ee degmada Waajid ee gobolka Bakool ayagoo bad qaba ka duulay shaqaalahii Qaramada Midoobay ee ajaanibta ahaa,
shalayna lagu afduubtay degmadaasi.
Saraakiishani ka tirsan laamaha
kala duwan ee hay’adaha QM ee xalay la sii daayay ayaa waxaa ay barqadii maanta
ka duuleen garoonka diyaaradaha ee degmada Waajid iyagoo bad qaba,waxaana ay
garoonka ka raaceen diyaarad ay leedahay hay’ada cunada Aduunka ee
WFP.
Afartani
ruux ee u kala shaqeeynayay hay’adaha WFP iyo UNDP ee QM ayaa waxaa ay 3-ka mid
ah ahaayeen ajaaniib halka midka kale uu ahaa Soomaali,waxaana diyaarada ay u
kexeeysay dhanka Dalka Kenya halkasi oo markii la qafaalanayay
ay ku wajahnaayeen.
Ka hor inta
aysan ka duuliin garoonka diyaaradaha degmada Waajid ayaa waxaa garoonka iyo
hareerihiisa amaankiisa sugayay ciidamo ka tiirsan xarkada al shabaab kuwaasi oo
ka ilaalinayay in mar kale ay afduubtaan kooxihii shalay dadkani ajaanibta ah
afduubtay.
Saraakiisha
QM ee xalay helay xuriyadooda ayaa waxaa garoonka diyaaradaha ku sii sagootiyay
saraakiil kale oo ka tirsan hay’ada WFP ee ku sugan degamad Waajid,wax garad iyo
saraakiil ka tirsan xoogaga Al shabaab.
Ma jiraan
wax war ah oo ay bixiyeen saraakiisha la sii daayay oo ku aadan afduubka loo
geystay iyo sida loola dhaqamay,waxaana ay sheegeen in marka ay tagaan magaalada
Nairobi ay ka hadlin doonaan waxa ay kala
kulmeen kooxihii afduubtay.