War cad oo ka soo baxay Wasaaaradda Arrimaha Dibadda Itoobiya ayaa
lagu sheegay in Midowga Afrika ay marar badan dalabyo u gudbiyeen
Qaramada Midoobay oo ku aaddan in ay ciidamo nabad ilaalineed oo ka socda
Qaramada Midoobe loo soo diro Soomaaliya.
Afhayeen u hadlay Wasaaaradda Arrimaha Dibadda Itoobiya ayaa lagu
sheegay in Ciidamada Afrika ay codsadeen inay badalaan kuwo ka socda Qaramada
Midoobe, si ay amaanka dalka Soomaaliya ula wareegaan.
Sidoo kale Afhayeenku waxa uu sheegay in Codsigooda la xariira in
Soomaaliya la keeno ciidamo ka socda Qaramada Midoobe kuwaasoo badala
kuwa Midowga Afrika, in dalabkaasi ay dhagaha ka furaysteen Qaramada
Midoobe.
“Markaan aragnay shuruudahooda adag Qaramada midoobe soo jeediyeen waxaan u
aragnaa inay gebi ahaanba meel iska dhigeen arrimaha la xiriira wadanka
Soomaaliya” ayaa lagu yiri qoraalka ka soo baxay wasaarada Arrimaha dibadda
Itoobiya.
Sidoo kale qoraalkaasi wasaaradda arrimaha Dibadda Itoobiya in Qaramada
Midoobe ay horay u balanqaaday in hadii ay baxaan kuwa Itoobiya iyo kuwa Midowga
AFrika inay Soomaaliya u soo dirayaan Ciidamo badala kuwaas.
Itoobiya ayaa sidoo kale cadeysay inaysan Soomaaliya u soo dirayn ciidamo ka
socda dalkeeda, islamarkaana ay ku ekaan doonto xuduudaheeda.