Dadka
ku dhaqan degmooyinka Wadajir iyo Dharkeeneleey ayaa ku baaqay in la soo
gaarsiiyo xaafadahooda howlaha ammaanka lagu sugayo ee ay ciidamada Maxkamadaha Islaamku kula wareegeen ammaanka inta badan degmooyinka gobolka Banaadir.
Qaar
ka mid ah shacabka ku dhaqan degmooyinka Dharkeenleey iyo Wadajir ee gobolka
Banaadir ayaa cabasho ka muujiyay ciidamo ka tirsna kuwa dowlada oo ku sugan
degmooyinkaasi,waxaana ay Dadku sheegeen in si xun ay ula dhaqamaan ciidamada
dowalada marka ay dhacayaan.
Mid
ka mid ah dadka deegaanka oo ka gaabsaday in magaciisa la shaaciyo oo shabelle u
warmayay ayaa sheegay in ciidamada dowalad ay dhac iyo baarasho kula dhaqaaqaan
dadka shacabka ah isla markaana ay jirdil u raaciyayaan marka ay dhacayaan ayna
degmooyinkaasi weli yaalaana goobaha gaadiidka looga qaado lacagaha sharci
darada ah.
Qeylo
dhaanta iyo cabashada ka soo yeereeysa dadka shacabka ah ayaa waxaa ay
imaanyeesaa xili isbadala dhanka amaanka ah laga dareemayo degmooyinka qaar ee
gobolka Banaadir kadib markii ay la wareegeen ciidamo ka tirsan kuwa maxaakiimta
islaamiga,waxaana ay sidoo kale qeylo dhaantooda ku soo beegmeeysaa xili shalay
Ra’iisul wasaare Cumar C/rashiid uu sheegay in wax laga qabanayo kooxaha ku
libisan dareeyska ciidamada ee dhaca u geysanaya dadka shacabka
ah.