Golaha Wasiirada Xukuumada Midnimada Qaran oo maanta ansixiyay in dalka Soomaaliya lagu dhaqo Shareecada Islaamka
Golaha Wasiirada Xukuumada Midnimada Qaran ayaa maanta ansixiyay in shareecada
Islaamka dalka Soomaaliya lagu dhaqo shareecada Islaamka, taas oo ka dambeysay
markii uu dhowaan Madaxweynaha u gudbiyay Golaha Wasiirada qoraalka ku dhaqan
shareecada ee dalka.
Kulanka Golaha Wasiirada ee ay maanta ku yeesheen
Magaalada Muqdisho waxaa shir gudoominayay Ra'iisul Wasaare Cumar C/rashiid Cali
Sharmaarke, iyadoo kulanka uu socday muddo saddex saacadood oo Xubnaha Wasiirada
isku weydaarsanayeen fikradahooda.
Wasiirka Warfaafinta Xukuumadda
Midnimada Qaran ee Soomaaliya Farxaan Cali Maxamuud, ayaa sheegay in xubnihii ka
soo xaadiray Shirkii Golaha Wasiirada ay dhamaantood isku raaceen in Shareecada
Islaamka lagu dhaqo Soomaaliya.
Go’aanka maanta ka soo baxay Golaha
Wasiirrada Xukuumadda Midnimada Qaran ee Soomaaliya ayaa waxaa loo gudbin doonaa
Golaha baarlamaanka Soomaaliya oo 12-ka bishan shirkiisa ugu horreeyay ku yeelan
doona Magaalada Muqdisho, iyadoo xiligaas kadibna la rajeynayo in uu
Baarlamaanka sidoo kale si aqlabiyad leh u ansixin doono.
Haddii uu
Golaha Baarlamaanka Soomaaliya ansixiyo in Shareecada Islaamka Dalka Soomaaliya
lagu xukumo waxaa meesha ka bixi doona dood ay qabaan dadka ka soo horjeeda
Dowladda Soomaaliya, kuwaasi oo sheega in Dowladda Soomaaliya ay tahay mid aan
dooneynin in shareecada Islaamka lagu dhaqo Dalka Soomaaliya, iyagoona ku
tilmaamay Dowladda riddo oo wadata Dastuur.
Add New Comment
|
|
|