Madaxweynaha dowladda Soomaaliya
Sheekh Shariif Sheekh Axmed ayaa sheegay in dowladdiisu ay waddo qorshe gargaar loogu uruurinayo dadka dhibaataysan ee Soomaaliyeed.
Madaxweynaha dowladda KMG ee
Soomaaliya Sheekh Shariif Sheekh Axmed ayaa sheegay in dowladdu ay diyaarisay
gargaar loogu talagalay in la gaarsiiyo dadka Soomaaliyeed ee dhibaataysan
kaasoo bilaaban doono waqtiyada soo socda, waxaana uu ugu baaqay ganacsatada
soomaaliyeed iyo jaaliyadaha dibadda jira in ay gacan ka geystaan sidii loo
gargaari lahaa dadka dagaaladu ay saameeyeen islamarkaana guryahoodii dib loogu
soo celin lahaa.
Madaxweynaha ayaa sidoo kale
sheegay in xaalado bini’aadanimo oo aad u liita ay ka jiraan Soomaaliya kuwaasoo
si gaar ah u heysta dadka ka barakacay Magaalada Muqdisho iyo qaar ka mid ah
gobolada dalka oo ay dagaalo ka dhaceen.
Gar gaarkaan uu sheegay madaxweyne
sheekh Shariif in loogu tala galay dadka barakacayaasha ee dhibaataysan oo aan
la ogeyn xiliga uu bilaabanayo ayaa waxaa ka faa’iidaysan kara hadii uu suura
galo kumanaan dadweyne Soomaaliyeed ah oo ka cararay guryahoodii iyo kuwa
horayba danyar u ahaa oo aan awoodin ay nolal maalmeedkooda ay
dhacsadaan.