Madaxweynaha Dowladda KMG ee Jamhuuriyadda Soomaaliya Sheekh Shariif Sheekh Axmed ayaa maanta
si rasmi ah ugu dhawaaqay in dalka lagu soo rogay xukun deg deg ah kaddib markii ay maalmo ka hor u soo jeediyeen Golaha Wasiirada.
Madaxweyne
Sheekh Shariif oo shir jaraa'id oo ka shacay Xarunta Madaxtooyada ugu qabtay warbaahinta ayaa sheegay in
dalka uu ku jiro xaalad qatar ah, isagoona ku baaqay in Dowladda la
difaaco,waxaana uu sheegay in kooxo argagixiso ah ay dalka ku soo
duuleen.
Madaxweyne Shariif ayaa sidoo kale difaacay mowqifka dowladdiisa ee ku aaddan dalbashada ay ka dalbatay dalalka deriska la ha Soomaaliya inay u soo diraan ciidamo taageera kuwa xukuumadda ee dagaalka ba'an kula jira kooxaha kasoo horjeeda.
Sheekh Shariif waxa uu ugu dambeyntii sheegay in dowladdiisu ciidamada ay dalbatay aysan ahayn kuwo dhibaateynaya shacabka Soomaaliyeed, balse ay yihiin oo qura kuwo Ciidanka Xoogga Dalka ka taageeri doona wiiqidda awoodda ciidan ee kooxaha ka soo horjeeda.