Sheekh Cali Maxamed Xuseen ayaa saxaafada ugu soo bandhigay ku dhowaad saddex gawaarida dagaalka oo ay ka qabsadeen ciidanka Dowladda KMG
Wakiilka
Xarakada Shabaabul Mujaahidiin ee Gobolka Banaadir Sheekh Cali Maxamed
Xuseen ayaa galabta saxaafada u soo bandhigay gawaari dagaal oo ay
saaka ku qabsadeen dagaal ka dhacay Deegaanka Galgalato, kaasoo ay ka
sheegteen guulo wax ku ool ah.
Sheekh Cali Maxamed Xuseen ayaa saxaafada ugu soo bandhigay ku dhowaad
saddex gawaarida dagaalka Xerada Maslaxa ee duleedka Suuqa Xoolaha,
isagoona tilmaamay inay ku guuleysteen hadafkii ay u galeen dagaalkaas.
"Mujaahidiinta ilaahey guul ayuu siiyay, waadna aragtaan gawaaridan
dagaalka oo aan kaga qabsanay ciidanka Dowladda"ayuu yiri Sheekh Cali
Maxamed Xuseen oo intaa ku daray in Xoogagooda ay la wareegeen deegaano
hor leh oo Duleedka bari ee Magaalada Muqdisho ka mid ah.
Waxaa uu sheegay in wadada marta xeebta ay tahay wado lagu dhibaateeyo
dadka safarka ah, waxaana uu tilmaamay in gaadiidka looga qaadan jiray
lacago baad ah, isla markaana sababta ay weerarka u qaadeena ay tahay
iyagoo ka jawaabayay codsi uga yimid shacabka sida uu hadalka u dhigay.
Xarakada Alshabaab ayaa dagaal saaka ay ku qaadeen Deegaanka Galgalato
kula wareegay fariisinka deegaanka Galgalato oo ay ku sugnaayeen
Ciidamada Dowladda gaar ahaan kuwa Maxkamadaha ee taabacsan Dowladda.
Add New Comment
|
|
|