Siddeed ruux oo ka mid ah dhaawacyadda daran ee yaal cusbitaalka Madiina ee magaalada Muqdisho ayaa dibadda daaweyn loogu qaadayaa
Waxaa maanta booqday cisbitaalka Madiino ee magaalada Muqdishu wasiiro dhowr ah oo ka tirsan dowladda KMG Soomaaliya ,
Wasiiradaasi oo ay ka mid ahayd wasiiradda caafimaadka Qamar Aadan waxay maamulka cisbitaalka Madiina ku wargelisay in dhaawacyada aadka u daran cisbitaalkana kari waayay in uu u helo Dawo loo diri doono Cisbitallada Dibadda kuwooda awoodi kara in ay daaweeyaan Bukanadaasi dhibka weyn qaba, waxayna sheegtay in lagu bilaawi doono 8 ka mid ah dhaawacyada aadka u daranee ku sugan Cusbitaalka Madiina kuwaaso Dowladda KMG ay usoo heshay dal- ku- gal ( Fiisooyin) waxayna ballan qaaday in qarashka daawada bukaanadaasi ay bixin doonto dowladda KMG.
Bukaanadaani 8 da ah ee loo helay Fursadda Caafimaad ee dalka dibadiisa waxa ay wada yihiin dad rayid ah oo iska danyar kuwaasoo ku dhaawacmay dagaaladii ugu dambeeyay ee ka dhacay gudaha magalaada Muqdisho.
Add New Comment
|
|
|