Saraakiil sare sare oo ciidamada Ethiopianka ee ku sugan magaalada
Mudisho ayaa maanta waxaa ay sheegeen in ay diyaar u yihiin ka bixitaanka waddanka Soomaaliya.
Sarkaal asre oo taliye u ah ciidamada Ethiopia ee ku
sugan wasaaradda Gaashaandhiga laguna magacaabo Col. Automatic oo maanta ka hadlayey banaanbax
ka dhacay deegaanka tusbaxle ee degmada Dayniile oo lagu taageerayo heshiiskii Jabuuti iyo dadaalada nabadeed ee uu wado
Sheekh Shariif Sheekh Axmed, ayaa sheegay in aanan waxba iska badelin
qorshahoodii ku aadanaa in Soomaaliya ay isaga baxaan islamarkaana ay diyaar
yihiin oo ay sugayaan amar ugu yimaada madaxdooda
sare.
Dadka banaanbaxayay oo tiraddodda lagu sheegay inay kor u dhaafeysay dhowr boqol oo qof ayaa waxaa ay ku
dhawaaqayeen erayo ay ku taageerayaan gudoomiyaha Isbahaysiga Dib-u-xoraynta sheikh Shariif Sheekh Axmed
iyo Sheekh C/raxmaan Janaqow,waxaana la yaab ah in goobta banaanbaxaani ka dhacay goobjoog ka
ahaa saraakiil ka tirsan ciidmada dowladda KMG iyo kuwa
Ethiopian-ah.