Dawladda Kenya ayaa ka noqotay qorshe ay ciidamo ugu soo diri lahayd Soomaaliya, kaddib markii wasiirka arrimaha dibedda Mr Moses watangula uu caddeeyey in waddankiisu uusan hadda diyaar u ahayn inuu ciidamo nabad-ilaalineed u dir Soomaaliya, laakiin ay diyaar u yihiin inay Soomaaliya ka caawiyaan dhinaca tababarka ciidamada Boliiska iyo ilaalinta canshuuraha.
Mar uu magalada Nairobi kula kulmay sii hayaha xilka madaxweynaha Soomaaliya Sheekh Aadan Madoobe ayuu Mr. Watangula sidaasi ka sheegay, waxa kale oo uu ku wargeliyey in madaxweynaha Kenya Mwai Kibaki uu taageersan yahay shirka madaxda IGAD ee la qaban doono 15 ka bishan Janaayo ee lagaga wada hadli doono arrimaha Soomaaliya.
Sheekh Aadan Madoobe
ayaa asagana dhankiisa waxa u caddeeyey dawladda Kenya in si deg-deg ah loosoo dhisi doono guddiga qabanqaabada doorashada, kaddibna sida ugu dhaqsida badan loo soo dooran doono Madaxweyne ay Soomaaliyeed.
Waxa kale oo uu Gudoomiyaha Barlamanku caddeeyay in uusan isku soo taagi doonin inuu qabto madaxweynenimo ee
dalka Soomaaliya.
Kenya ayaa horay ugu
dhawaaqday in ciidamo 8-kun gaaraya ay u soo dirayaan wadanka Soomaaliya xili uu cadaadis ku aadanaa bixitaanka ciidamada Ethiopia ee dalka Soomaaliya.