Xulka Qaranka kubada Cagta Somalia oo 1 - 0 kaga adkaaday xulka Tanzania
Xulka Qaranka kubbada cagta ee Somalia ayaa guul
taariikhi ah ka soo hoyey ciyaar adag oo galabta magaalada Kampala ee dalka
Ugandha ku dhexmartay iyaga iyo kooxda xulka Qaranka ee dalka Tanzania taasoo ka
tirsaneyd tartanka bariga bartamaha Afrika oo ee halkaasi ka socda oo ay ka qeyb
galayaan illaa 10 dal oo Afrikaan ah.
Ciyaartan oo aheyd mid si weyn loo wada sugayey oo aad u xiise
badneyd ayaa waxaa goolkii ugu horeeyey
qaybtii hore ee ciyaarta u saxiixay
xulka qaranka Soomaaliyeed ciyaartoyda lagu magaacaabo Ciise midnimo oo ka mid ah
kuwa ku nool wadamada Europe, waxaana ciyaarta oo aheyd mid aad xamaasad badan
xulka Qaranka Soomaaliya u suurta gashay iney difaacdaan golkaasi.
Xulka Qaranka Soomaaliya oo ay isku
guruub ku wada jiraan wadamada Tanzania, Ugandha iyo Sansibar ayaa horey 2-0
looga soo badiyey ka dib markii ciyaar nasiibku uu ka hiiliyey ay la yeesheen
maalin ka hor xulka dalka Zanzibar, waxaana u dhiman oo ay la kulmi doonaan
xulka qaranka dalka Ugandha oo ah dalka loo martida yahay oo isagu la sheegay
inuu ka mid yhaay xulalka ugu adag ee tartankaasi ka qeyb galaya kaasoo haddii
ay badiyaan ay u soo gudbi doonaan wareega labaad tartanka bariga iyo bartamaha
Afrika, waxaana galabta soo buuxiyey garoonka tagaeerayaal boqolaal gaarayey oo
Somaliyeed