Dagaalo qaraar oo u dhexeeya Al
shabaab iyo Ahlu-sunnah ayaa mar kale ka soo cusboonaaday degmada Guriceel ee
gobolka Galaduud.
Dagaaladan oo ah kuwo aad u xooggan, una dhexeeya labada urur diineed
ee beryahan dambe isku haysta gacan ku heynta degmooyin ka tirsan
gobolka Galguduud oo ay Guriceel ku jirto ayaa waxa laysu adeegsanayaa
hubka noocyadiisa kala duwan.
Dagaalka ayaa markii hore si toos ah uga billowday tuulo bariga kaga beegan degmada Guriceel oo lagu magacaabo Ceel Baraf.
Isla markii uu dagalku billowday ayey dadkuna billaabeen inay halkaasi isaga cararaan Guriceel iyo degaannada ku xeeran.
3
maalmood ka hor ayey ahayd markii uu halkaasi dagaal qaraar ku dhex
maray xoogag kala taagersan Ahlu-Sunnah iyo Al-Shabaab, kaasoo markii
dambe ay Ahlu-Sunnah kula wareegeen gacan ku haynta Guriceel.
Dagaalkan
oo kusoo beegmay xilli ay ciidamadii ethiopia ee haystay degmada
Balaballe ay halkaasi isga baxeen. Wax war ah kama soo bixin dhinacyada
dagaalamaya, lamana oga qasaaraha ka dhashay.