Midowga Afrika oo sheegay in Ciidamada Ethiopia dib ugu laaban doonaan Soomaaliya, si ay ugu hortagaan is ballaarinta Islaamiyiinta.
Ururka Midowga Afrika ayaa fariin culus ka soo saaray is ballaarinta Kooxaha
Islaamiyiinta mayalka adag ee Soomaaliya, maalin kadib markii ay la wareegeen
Magaalada Baydhabo oo xarun u aheyd Baarlamaanka Soomaaliya.
Gudoomiyaha
Ururka Midowga Afrika Jean Ping oo wariyeyaasha kula hadlay Magaalada Addis
Ababa ayaa sheegay inay suura gal tahay in Ciidamada Ethiopia dib ugu laabtaan
Soomaaliya, si ay meesha uga saaraan khatarta Kooxaha
Islaamiyiinta.
Waxaa uu sheegay Mr Jean in Ciidamada Midowga Afrika ee ku
sugan Soomaaliya aanay xilligan suura gal aheyn in meel walba ay tagaan,
laakiinse waxaa uu xusay in Ciidamadooda ay tiro yar yihiin.
"Hadii ay
timaado khatar dhinaca ammaanka ah, waa suura gal in Ciidamada Ethiopia ku
labtaan Soomaaliya oo ay baacsadaan Kooxaha Islaamiyiinta"ayuu yiri Jean Ping oo
intaa ku daray in wax aan fileyn ay ku noqotay qabsashada Alshabaab ee Magaalada
Baydhabo markii ay faarujiyeen Ciidamada Ethiopia.
Dhinaca kale Wasiirada
Arrimo dibadeedka IGAD oo shir deg deg ah ku yeeshay Magaalada Addis Ababa ayaa
cambaareeyay qabsashada Shabaabka ee Magaalada Baydhabo oo aheyd xaruntii
Baarlamaanka Soomaaliya.
Wasiirka Arrimaha Dibeda Ethiopia ayaa sheegay
inay cambaareynayaan tallaabada ay ku qabsadeen Shabaabka Magaalada Baydhabo,
waxaana uu jeediyay hadal ka duwan kan Midowga Afrika ee ahaa in Ciidamada
Ethiopia ku soo laaban doonaan Soomaaliya, waxaana uu sheegay in aanay Ciidamada
Ethiopia ku soo laabaneyn gudaha Soomaaliya.
Add New Comment
|
|
|