.
Amnesty International waxaa ay
sheegtay in ay walwal ka qabto go’aan ka soo baxay golaha ammaanka ee QM kaasi
oo aan lagu xusun difaaca dadka rayidka ah ee
Soomaaliyeed.
Amnesty International waxaa ay
sheegtay in ay golaha ammaanka Ee QM ay ka rajeeyneeyso in waxa ugu horeeya ee
ay ka doodeeyso ay noqdaan amaan galinta dadka rayidka ah.
Amnesty International sidoo kale waxaa ay tilmaamtay shuruudaha
looga baahan yahay ciidamada la keenayo dalka Soomaaliya in ciidamada aan wax
gargaar ah loo fidin isla markana aan lagu fasaxin in howlo nabad ilaalin ah ay
ka qabtaan dalka Soomaaliya hadii aan laga hor tageeyn in dhibaato ay Soomaaliya
ka geeystaan.
Amnesty waxaa ay sheegtay in
go’aanka ah in la tababaro ciidamada qaranka Soomaaliya ay walaac ka qabto taasi
oo ay ku tilmaamtay in ciidamada sirdoonka iyo kuwa dowlada ay tacadiyo horay
uga geysteen iyaga iyo maleeshiyaad dowlada taageersan kuwaasi oo ku tuntay
xuquuqad insaanka oo ay QM ku taageereeysay.
Waxaa ay sheegay Amnesty
International in ay jeceshay in la hubiyo nabada isla markana ciidamada la
keenayo Soomaaliya aysan noqon kuwa dab ku sii shuba dhibaatada ka taagan dalka
Soomaaliya,isla markana maxkamad la soo taago cid waliba oo ku tumata xuquuqada
Bini’aadamka.
Ugu danbeeyntii waxaa ay baaq u
jeediyeen dhinacyada ku dagaalama ama dadka ku lugta leh qilaafaadka ka taagan
dalka Soomaaliya in ay xurmeeyaan xeerka iyo qawaaniinta Caalamiga ah ee
xuquuqada Aadanaha iyo wax waliba oo keeni kara dhibaatooyinka in ay sii
kordhaan.