Wararka ka imaanaya degmada Ballanale ayaa sheegaya in ciidamada Ethiopianka ah ay fariisin ka sameysteen meel degamada duleedkeeda ah, kaddibna ay qaar ciidamadaasi ka mid ah si lama filaan ah loogu arkay ayagoo magaalada gudaheeda soo galay watayna laba gaari oo nooca ciidamada lagu daadgureeyo ah (Ural).
Ciidamadan maanta soo gaaray
degmada Balanbale ayaa waxaa ay isku fidiyeen magaalada iyagoo aan wax kulamo ah la
qaadan wax garadka iyo salaadiinta degmada Balanbale ee gobolka
Galgaduud, taas oo ah arrin aan looga baran oo ka fajicisay dadka degaanka.
Gobolka Galguduud ayaa maalmahan ah goob ay isku herdiyaan kooxo diimeed soo kala horjeeda oo loollan ugu jira in midkoodba uu midka kale kala wareego gacan ku heynta gobolka.