Dagaal sababay dhimasho iyo dhawac
aad u farabadan ayaa maanta ka dhacay degmada Guriceel ee gobolka
Galgaduud.
Dagaalkani oo ah kii ugu qasaaraha
badnaa dagaladii ka dhacayay gobolada bartamaha dalka Soomaaliya ayaa waxaa inta
la ogyahay ku geeriyooday ku dhawaad 30-ruux halka tiro ka badan 50-qofna ay ku
dhaawacmeen,waxana dadka ay dhawacyada ka soo gaareen dagaaladaasi maanta la
gaarsiiyay Cusbutaalka Istarliin ee degmada Guriceel.
Saraakiisha Caafimaadka
Cusbitaalka degmada Guriceel ayaa waxaa ay shegeen in dhaawacyo tiro badan oo
aan weligood horay u soo marin maanta kaliya la soo gaarsiiyay kuwaasi oo qaba
dhawacyo kala duwan isla markana ku soo dhaawacmay dagaaladii ugu danbeeyay ee
maanta ka dhacay magaalada Guriceel.
Dagaalkani oo bilowday abaari
4-tii Aroornimo ee saakay ayaa waxaa guulo ka sheegtay dhaq dhaqaaq Ahlu suna
waljameeca kuwaasi oo sheegay in ay talabo ka qadeen xarakada Al shabaab sida ay
warka u dhigeen wax war ahna kama soo bixin
ururka Al shabaab oo ku aadan dagaaladii saakay qasaaraha geystay ee ka dhacay
degmada Guriceel ee gobolka Galgaduud.
C/risaaq Max’ed Cali (Al Ascari)
oo ah afhayeen u hadlay Ahlusuna Wal Jameeca oo la soo xiriiray warqabadka
shabelle ee gobolada dhexe ayaa ka warbixiyay
markii ugu horeeysay dagaaladii saakay ka dhacay degmada Guriceel,waxana
uu sheegay in dagaalkaasi ay guulo ka soo hooyeen isla markana dhankooda ay kaga
geeriyoodeen illaa 3-askari ayna ka dhaawacmeen 2-kale sida uu hadalka u
dhigay.
Xaalada guud ee degmada Guriceel
ayaa waxaa ay tahay mid degan waxana dib u soo laabtay Adeegii isgaarsiinta oo
ku xirmay saakay markii ay dagaalada ka socdeen degmada Guriceel ee gobolka
Galgaduud.
Dagaalkani ayaa waxaa uu noqonayaa
kii ugu qasaaraha badnaa ee ka dhaca gobolka Galgaduud tan iyo markii ururka al
shabaab iyo Ahlusuna Waljameeca uu dhex maro dagaal sidan oo kale ah Waloow Al
shabaab ay dhowr mar horay u sheegeen in dagaalkaasi uusan kala dhexeeyn
Ahlusuna Waljameeca isla markana qaar ka mid ah Ahlusun waljameecaha ay sidoo
kale beeniyeen in dagaal uu dhex maray iyaga iyo Al shabaab.