Madaxweynaha Jamhuuriyadda Soomaaliya Sheekh Shariif sheikh Axmed ayaa ugu baaqay xoogagga ka soo horjeeda dowladdiisa
inay fursad u siiyaan si uu guto howsha uu u xilsaaran yahay.
Madaxweyne Sheekh Shariif Sheekh
Axmed oo saxaafadda kula hadlayey magaalada caasimadda ah ee Jabuuti ayaa ugu baaqay xoogagga ka
soo horjeeda dowladdiisa iyo dedaallada nabadeed ee socda, in ay taageeraan, kuna soo biiraan raadinta nabada si loo helo nabad waarta oo ka
dhalata gayiga Soomaaliya.
Madaxweynaha ayaa sheegay in hadii aysan ku ganacsanayn
dadaladaasi dadka isaga ka soo horjeeda ay fursad u siiyaan in uu guto howlaha
u yaalla, islamarkaana ay dib u dhigtaan waxyaabaha ay isaga kaga soo
horjeedaan.
“Hadii aysan ku qanacsanayn waxaa
aan wadno waxaan ka codsanaynaa in ay fursad nasiiyaan hadii ay arimo kale
damacsanyihiin in ay dib u dhigtaan ayaan ugu baaqaynaa”Ayuu Yiri Madaxweyne
Sheekh Shariif oo maalintii shalay saxaafadda kula hadlayay Magaalada
Jabuuti.
Madaxweyne Sheekh Shariif ayaa mar
kale ku celiyay in uu doonayo in dalka Soomaaliya uu ku dhaqo Shareecada
islaamka,isagoona ku baaqay in loo baahanyahay in nabadda laga wada qeybqaato si
looga baxo dhibaatada daba dheeraatay ee ka jirta dalka
Soomaaliya.
Hadalka Madaxweyne Sheekh Shariif
Sheekh Axmed ayaa waxaa uu ku soo aadayaa xili maalintii shalay aheeyd la soo
gaba gabeeyay shir culumo Soomaaliyeed oo ka gala yimid dalka Dibadiisa iyo gudihiisa
ay ku lahaayeen maalmihii u dambeeyay gudaha Magaalada Muqdisho,iyadoo
shirkaasina laga soo saaray qodobo muhiim ah oo ka hadlayay marxaladda haatan
dalka uu ku jiro.