Odayaasha Dhaqanka Beelaha Hawiye
ayaa ku tilmaamay dowrka ay
culumaa'udiinka wadaan in uu yahay
kan kaliya ee
looga bixi karo dhibaatada dalka ka taagan.
Gudoomiyaha Golaha Dhaqanka iyo Midnimada Beelaha Hawiye Max'ed Xasan Xaad oo la hadlayay warbaahinta ayaa
sheegay in ay aad u soo dhaweeynayaan dedaalada ay wadaan culumaa'udiinka
Soomaaliyeed iyo kuwa caalamka,waxana uu sheegay in dowrkooda uu ku soo aaday
xili Umadda Soomaaliyeed ay u baahnaayeen.
Xaad ayaa intaasi ku daray in
arimaha dib u heshiisiinta ay tahay mid loo baahan yahay isla markana muhiim ay
tahay in la dhaqan galiyo.
"Waanu soo dhaweeyneeynaa dedaalka
ay wadaan Culumaa'udiinka Soomaaliyeed waxana uu ku soo aaday xili baahi weyn
loo Qabay dedaalkooda" ayuu yiri Gudoomiyaha odayaasha dhaqanka Beelaha
Hawiye.
Hadalka ku aadan dedaalka ay
wadaan Culumaa'udiinka ee ka soo yeray Max'ed Xasan Xaad ayaa ku soo aadaya xili
dhawaanahani ay Culumaa'udiinka Soomaaliyeed wadeen Musaalixo ay ku dhex
dhexaadinayaan dhinacayada Siyaasad ahaan isaga soo hora jeeda dalka
Soomaaliya.