Qarax dhimasho iyo dhaawac sababay ayaa waxaa maanta lala eegtay gaari ay wateen ciidamada PIS-ta Ismaamul-goboleedka Soomaaliyeed ee Puntland oo dhex marayay magaalada Gaalkacyo ee xarunta gobolka Mudug.
Qaraxaani oo ahaa miinada
nuuca dhulka Lagu aaso ayaa lala beegsaday mid ka mid ah gawaarida dagaalka oo
ay la socdeen Ciidamada hay’adda Sirdoonka Puntland ee marka magacooda la soo
gaabiyo loo yaqaan PIS-ta.
Qaraxa ayaa inta la ogyahay waxaa ku
geeriyooday ilaa 3-qofood oo isugu jira ciidamada Maamulka Puntland iyo dad
shacab ah oo goobta ka agdhawaa,waxaana jira dhaawac intaasi ka badan oo ka
dhashay qaraxaasi sida ay sheegayeen ilo wareedyo halkaasi ku
sugan.
Gaariga qaraxa lala eegtay ayaa waxaa uu marayay agagaarka Hotelka
Alamagan ee Waqooyiga magaalada Gaalkacyo halkaasi oo ay dadku ku badanyihiin kuwaasi oo
ka kala cararay xiliga uu qaraxu dhacay.
Ciidamada Maamulka Puntland ayaa
waxaa ay gacanta ku dhigee ilaa 5-ruux oo lagu eedeynayo in ay ka dambeeyeen
qaraxaasi kuwaasi oo haatan ciidamada PIS-tu ay su’aalo
ku weydiinayaan isla magaalada Gaalkacyo ee gobolka Mudug.
Ma’ahan markii ugu horeeysay oo weerar nuucaani oo kale ah
lala eegto gawaarida dagaalka ee ay leeyihiin ciidamada PIS-ta Maamulka Puntland
waxaana jira dhow mar oo weeraro qaraxyo watta lagu weeraray ciidamadaasi gudaha
maamul goboleedka Puntland.