Iyadoo maalmihii la soo dhaafay sii kordhayeen dilalka qorsheysan ee loo
geysanaayo xildhibanadda iyo saraakisha ciidamadda dawladda soomaaliyeed gaar
ahaan magaaladda Muqdisho ayaa waxaa arintaasi Baaq deg deg oo ku wajahan
kooxaha ka dambeeya arintaasi baaq u jeediyay masuuliyiinta Golaha sare ee Ahlu
Sunah Waljamaacah ee xaruntooda tahay Magaalada Muqdisho.
Qaar ka mid ah
masuuliyiinta golahaasi iyo xubno ka socday golaha maxaakiimta islaamka oo si
wada jir ah uga qeyb galay Banaan baxa ka dhacay Isgoyska Sanca ayaa waxaa
Culimadii ka qeyb gashay kam mid ahaa Sheekh C/qaadir Sheekh Soomow, Sheekh
Muuse Cadde oo ahaa dhinaca Ahlu Sunah Waljamaacah iyo Sheekh Saadaq Cabdi
Cabdulle oo ahaa isna dhinaca maxaakiimta ayaa ay si weyn uga hadleen xaaladda
qalafsan ee ka jira magaaladda Muqdisho, iyagoo muxaadardaasina ku soo qaatay
dilalka macna daridda ah ee ka soo cusboonaday magaaladda Muqdisho, kuwaasi oo
loo geysanaayo dad wax galka ah ama masuuliyiinta kala duwan ee dawladda lagu
bartilmaameysanayo, iyo wax ay shareecadda islaamka ka qabto
arinkasi.
Muxaadaradasi oo ay isku soo baxeen boqolaal ruux oo iskugu
jiray colomo, ka soctay golhaasi iyo kuwo isyaguna ka socoday midoowga
maxaakiimta islaamiga ah iyo dadweyne soo camiray goobta ay ka socotay
muxaadaradasi ayaa lagu soo bandhigay diliilo cad cad oo muujinaaya qofkii dila
qof muslim ah waxaa uu aduun iyo aakhiro kala kulmaayo in ay tahay cadaab kan
ugu xun oo ah jahanama oo uu weliba ku waaraayo taas oo ay u dheertay carre
ilaah oo asiibta waxayna culimadu sharaxaad ka bixiyeen sida loogu baahan yahay
in aanan lagu deg degin oo ay xaaraaan tahay in la dilo ruux muslim
ah.
Culimadu waxay sidoo kale ugu baaqeen dawladda somaliyeed in ay
arintaasi si deg deg wax uga qabato cidii ay falalkaasi ku cadaatana ay horgeyso
sharciga lagana qaado talaabo ku haboon.
Dhinaca kale Golaha sare ee ahlu
s nah waljamaca waxay sidoo kale ka wadaan masaajidyadda ku yaalla magaalada
mugdishu wacyi gelin diini oo dadka loogaga digaayoo in ay iska kaashadaan dadka
xun xun ee bulshadda dhaxdeedda ka wada fidnadda sida madaafiicca laga dhex
tuuro xaafadaha iyo dilalka loo geysanayo dadweynaha gaar ahaan xubnaha muhiimka
u ah bulshadda , taasi oo haatan ay qabtaan maalin kasta oo jimca ah salaadda
kadib taas oo ay ka qeyb qaataan dhageysigeedda boqolaal ruux oo ku dukadda
masaajidyadda magaladda Muqdisho.