Kooxo Hubeysan ayaa goor dhow Xildhibaan ka tirsan Baarlamaanka ku dilay Jidka
Warshadaha, gaar ahaan agagaarka Warshadii Coca Cola ee Degmada
Yaaqshiid.
Sida ay sheegayaan wararka Xildhibaankan oo lagu magacaabo
C/llaahi Ciise Abtidoon ayaa waxaa lagu hor dilay afaafka hore ee Warshada Coca
Cola, waxaana la sheegay inay toogteen Kooxo Hubeysan oo gaari
saarnaa.
Gudoomiye Kuxigeenka 2aad ee Baarlamaanka Cusmaan Cilmi Boqore
ayaa Warbaahinta u xaqiijiyay geerida Xildhibaanka oo uu sheegay inuu ahaa
Xildhibaanada ka yimid dhinaca Isbaheysigii Dib u xoreynta garabkii Jabuuti ee
Dowladda ku biiray.
Dilka Xildhibaankan ayaa noqonaya kii u horeeyay ee
loo geysto Mudane ka tirsan Baarlamaanka, tan iyo markii la ballaariyay
Baarlamaanka Soomaaliya, isla markaana ay soo doorteen Madaxweyne Sheekh
Shariif.
Todobaadyo ka hor ayay aheyd markii Xildhibaan Caamir Shakeeti
Kooxo Hubeysan ay ku dhaawaceen meel u dhow hoygiisa oo ku yaal Degmada Shibis,
kaasoo haatan dhaawiciisa lagu dabiibayo Dalka Uganda.